Bata pa lamang ako eh namamangha na ako sa mga malalaking lugar. Naalala ko pa nga noong ang pinakamasayang lugar pa na puntahan ay ang Fiesta Carnival. Tuwang tuwa ako dun, at feeling ko yun na ang pinakamalaking pasyalan sa mundo. Pagdating naman sa mga mall, makapunta lang ako ng SM Cubao, ang saya saya ko na. Dahil excited na akong pumunta sa may food court kung saan located ang mga arcade shop. At kung sa area na rin lang ng Cubao ang pag-uusapan, hindi mawawala dyan ang excitement ng pagsapit ng pasko, dahil gustong gusto kong inaabangan ang mga moving manequins sa may labas ng COD, yung department store.
Tapos early 90's, napunta kami sa SM City. Yun pa lang ang alam kong SM City dati, yung nasa North EDSA. Naligaw pa nga ako dun eh, yung tipong umabot ako sa guard house at dun ako pinuntahan ng nanay ko para i claim. Napakalikot ko kasing bata. Mainipin na, restless pa! Ayun, madalas talaga akong naliligaw.
Tapos around early to mid 90's nang mauso ang Robinson's Galleria at SM Megamall, na syang pinaniniwalaang pinaka malaking mall nung time na yun. Nauso sa Galleria ang rumor na may ahas daw sa fitting room. Saka yung fountain at yung elevator na kita mo yung view ng mall. Nauso naman sa Megamall yung ice skating rink, yung may poste sa gitna.
At simula nun, sunod sunod na ang mga mall sa bansa. Kumalat ang mga mall na sing bilis ng pagtaas ng presyo ng langis. Nagsulputan ang mga mall na parang mga kabute, iba't ibang mga SM sa iba't ibang lugar, iba't ibang Robinson's Place, yang Sta. Lucia East Grand Mall, Glorietta, Powerplant, Podium, at iba pang mga malls at mini malls gaya ng StarMall.
Ngunit kamakailan lamang ay napasyal kami sa isang mall na hindi ko maintindihan kung bakit kinalingang magpatayo ng ganung klaseng mall. Ito ay walang iba kung hindi ang SM Mall of Asia, ang kinikilala ngayon na pinakamalaking mall dito sa bansa (at ikatlong pinakamalaking mall sa mundo).
Ang unang unang napansin ko dito ay ang HYPERMARKET. Ganun na lang ba kalaki yung MARKET na yun at hindi na kayang ipaliwanag ng SUPER kung gaano sya kalaki?
Anyway, kasama ko si Mutya nung pumunta kami rito. At first time naming nanood ng isang iMAX film. "The Ant Bully" yung movie na pinanood namin. Hehe. Ang gandaaaaaaaaaa! Iba ang dating pag sa iMAX mo pinanood. May dating! Iba yung effect ng naka 3D yun movie. Well originally in 3D anan talaga yung movie, but it creates another effects na yung certain images ay mas malapit sa iyo o mas malayo sayo. Salamat sa special polarized eyeglasses na paglaki laki.
After nito, pumunta kami sa TIMEZONE. Well, kung ikukumpara mo sya sa TIMEZONE sa GLORIETTA, maliit sya. But I didn't really mind, kasi sa laki kong ito, first time ko lang nag TIMEZONE!!! Promise! Hehehe. Ganun pala dun, card na lang ang ginagamit. Naaalala ko pa noong time na puro token ang ginagamit namin. Hahahaha! Na minsan ay dinadaya pa lalo na pag yung token ay kasing laki lamang ng pisong maliit. Anyway, magaling pala si Cha sa mga games. Panis ako sa basketball, 0-2. Di man lang ako nanalo. Nag car racing kami, talo din ako. Langyang mga games yan. Hehehehe. Sinubukan ko rin yung bowling, saka yung rifle shooting na game.
Naubusan kami ng gagawin sa TIMEZONE, so we decided to go and watch the scenery sa Manila Bay. Wow! Ang sarap! Ang sarap ng pakiramdam ng hangin. Nagpapahinga kami somewhere in the viewing area nang biglang, "BANG!!!!". May pumutok! Kala ko bomba or what...fireworks lang pala...FIREWORKS?!!! I even shot a video of the fireworks! Di ko nga lang natapos kasi nag low batt. But I think a shot the event for nearly one and a half minute. It was great! Kinda romantic too...the mood was sooooo good na eh, pahamak lang yung usok...
Anyway, nagpakasawa kaming nag iikot dun sa mall, then we decided to go back to TIMEZONE to play some more. We played Time Crisis 3, then we played House of the Dead, yung favorite shooting game ko. That was the 4th series. Magaling pala talaga si Cha sa mga games na ganun. We played HOTD4 hanggang sa sumakit na yung kamay namin at maubos yung load. Tsk, sayang. Hehehe. We could have beaten the final boss! May bata pa nga dun eh. Hehehe. Ang kulit! Mukhang natapos na nya yung game. At kino-coach pa nya kami! Nakakatuwa naman ang mga bata ngayon. Nung ma-dead ako at naglalaro pa si Cha at naubusan ako ng load, sya ang nagtuloy in behalf of me. Hehehe. We just wished him good luck nung mamatay na rin si Cha sa game. Hehe. Cute kid...
Then we went to this skating rink (na sa wakas ay wala ng poste sa gitna, if you know what I mean) na punong puno ng skater. Sayang at di kami nakapag skate dahil naka palda si Cha. So I just bought cotton candy and we sat somehwere in the viewing area sa 2nd floor. Masarap palang manood sa mga "The Good, the Bad, and the Ugly" ng skating. Lalo na yung isang middle aged man dun na parang madadapa lagi sa skating rink. Tinutulak tulak na nga lang sya ng kanyang anak, na di hamak eh mas marunong pa kesa sa ama! Hahahaha! Inaabangan nga namin matumba yung lalaki eh. Sa kasamaang pala ay hindi tumumba yung lalaki. And that was the end of our first date doon sa pinakamalaking mall sa bansa. We left the place, then hinatid ko na sya pauwi. I think we both had a good time naman. Salamat Mutya!
Natutuwa naman ako at ngayon matanda na ako, hindi na ako masyadong nawawala sa mga Mall. Sa mall na ito, malaking tulong ang compass (at may dala talaga akong compass) kaya madali kong nalalaman kung saan na yung south or north building kapag medyo naliliga ng konti. Malaki tingnan yung SM Mall of Asia, but actually, compared sa gross floor area ng Mall of Asia at ng Megamall, lamang lang ng konti ang Mall of Asia. Ilang hectares lamang ang difference. More or less 5 hectares of floor area. But it still looks great. Maganda. It's a mixture of a mall and a park. May main mall, at may area na walang aircon, parang park kumbaga. You should go to that place. Paminsan-minsan, masarap ding na e-exercise ang paa habang nag sa-shopping.
Moral of the Story: "Sa susunod, sisiguraduhin kong Short Stemmed yung rosas na bibilhin ko." (If you guys can't get the point, then you are not Mutya...)
