Bigla kong naalala ang Love Notes. Oo, yung Love Notes. Yung nasa channel 5. Yung laging may featured love story kung saan starring ang mga young actors and actresses. Yung love story na kung saan ang istorya ay laging umiikot sa isang liham na ipinadala ng isang "letter sender", na kung minsan eh hindi mo alam kung ganun ba talaga kasakit yung love story nya. Na minsan ay may comedy moments pa. Na parang hindi nangyayari sa totoong buhay yung kwento. But that's beside the point. Sa huli ng istorya, may taong nagbibigay ng advice dun sa "letter sender", at umaasa na makatulong sya sa problema ni "letter sender".
May isa pa akong show na naaalala bukod sa Love Notes, and show ni Mr. Cupido. Na sa tuwing may nakakakilig na moment ay tutunog ang theme song ng Mr. Cupido. (insert song: "Mr. Kuuuuuupidoooo! Ako nama'y tulungan mo. Bakit di panain ang kanyang damdamin, upang ako ay mapansiiiiiin!!") At gaya ng Love Notes, ganun din ang tema ng Mr. Cupido. At sa huli, may nagbibigay din ng advice. Words of Wisdom ika nga, pero dahil tungkol ito sa love, Words of Love siguro ang tawag dito.
Kadalasan, nagkakaroon din tayo ng ating Love Notes moment, either side. Kadalasan, tayo ang hinihingan ng advice. Eksperto. Ganyan ang dating natin sa mga nanghihingi ng advice. Paralng laging tama yung mga sinasabi natin. Kasi "based from experience" kamo. Pasasalamatan ka nung binigyan mo ng advice. Pero kinabukasan, malalaman mong hindi nya sinunod yung advice mo dahil "sinunod nya ang puso nya". Tinanong ka pa nya. Pag sinabi mo namang "sundin mo yung nasa puso mo", ang susundin nya eh yung walang kwentang advice ng isang "kaibigan" nya. Kundi ka ba naman mainis.
Isa pang situation. Sinunod yung advice mo. Epektib. At simula noon, lagi na lang ikaw ang tinatanong dahil iniisip nyang lagi kang tama. Lagi ka ngang tama. Pero bakit lagi pa rin syang bumabalik sayo? Parang hindi sumasaya ang love life nya. Nakakalungkot rin yun kung iisipin mo di ba? Pero kadalasan naman, good ending. Dahil nakakatulong tayo sa iba.
Pero may mga oras din, na tayong mga overnight "love advice factory" ang sya ring humihingi ng advice sa iba. Corny. Feeling mo ikaw ang pinaka madramang tao sa mundo. Feeling mo ikaw ang pinaka kawawa. Lahat ng taong makasalubong mo, hihingan mo ng advice. Sobrang lungkot. Ultimate depression. Hindi ka na mapakali dahil iniisip mo sya. Sumasakit ang dibdib at kumikirot ang puso dahil iniisip mo kung mahal ka pa ba nya. Eto ang officemate, lalapit. Hihingian mo ng advice. Eh ito yung officemate na binigyan mo ng advice at tinulungan mo sa problema nya. Kinuwento mo yung story mo. Nanghingi ka ng advice. Anak ng teteng! Eh yan din yung sitwasyon ng officemate mo na ihiningi nya ng advice sayo. "Edi gawin mo rin yung payo mo sa akin...", yan ang sabi nya. Bigla kang natulala. Bigla mong nasabi sa sarili, "Oo nga ano. Pareho kami ng sitwasyon." Natulungan mo sya, so bakit hindi mo matulungan sarili mo?
Hay, bakit nga ba ako biglang napa blog ng ganito? Dahil ba napapadalas ang paghingi ko ng advice lately? O baka naman dahil may bigla akong nabasang Words of Love sa net?
-------------------------------------
Famous Love Quotes from famous people:
"Being in love is just like dancing a step that never goes out of style; sometimes you stumble, sometimes you hurt your partner's foot, but oftentimes you must learn new steps to survive." - Joe D' Mango
"Being in love is like something something..." - Dimplez
"Being in love is just like Geno...so cute!!!" - The GENOSAID
