Bakit makapangyarihan ang salitang "KUNG"?

KUNG...PAANO KUNG...

Makapangyarihan yang mga katagang yan. Malupit ang gamit. Kaya nitong gawing tama ang mali. Kaya nitong ibalik ang nakaraan. Kaya nitong pagandahin ang pangit. Kaya nitong gawing babae ang mga lalaki. Kaya nitong gawing matinee idol si Pekto. Kaya nitong gawing matangkad si Mahal. Kaya nitong patabain si Palito. Kaya nitong gawin ang imposible. Kaya nitong gawin ang lahat. At kaya nitong gawing 50$ = 1 Php ang palitan ng dolyar sa peso.

KUNG...PAANO KUNG...

Malupit itong mga katagang ito. Naging joke na nga ito sa bowling center eh. Kung strike sana ako sa 5th frame edi sana may 5 bagger na ako. Ayos ano? Eh kung ako man eh kung strike lahat ng frame ko edi sana may perfect game na ako. Kung yung mga strike ko sana sa iba't iba kong game eh nag sama-sama edi sana 6 consecutive perfect games na ako. Taragis, lupit talaga!
Eh kung super saiyan lang sana ako, pwede na sana akong maging blonde gaya ni Goku. At kung black american lang sana ako edi malaki sana ang aking...um...biceps...

Ewan ko ba kung bakit gamit na gamit yan ng mga Pilipinong mahilig mangarap. Sabagay kasi mas madaling sabihin kesa gawin di ba? Ganun talaga. Hindi kasi lahat ng bagay eh pwede nating makuha. Talagang minsan, sinasadya ng Diyos na bigyan tayo ng konting pagsubok. Mga pahapyaw nya kumbaga. At pag alam nyang medyot tumatagilid na tayo eh sya mismo ang gagawa ng paraan para punan yung pagkukulang na yun. Nasa sa iyo na kung makikita mong ginagawa nya yun.

Katulad na lang ng mga nakaraang araw. Isang linggo akong depressed. Siguro dahil naghiwalay kami ng girlfriend ko. At namimiss ko na sya. So siguro dahil alam ng Diyos na sobrang depressed ako eh hinayaan nya akong manalo sa bowling, na kung saan parang ako lang ang mataas o maganda ang score. Naging masaya ako nun pagkatapos. Feeling ko ako na ang pinakamagaling na bowler sa mundo, kahit na alam kong hindi. Basta ang saya ko nun. Ginawang ng paraan ni GOD. Kung hindi mo nakita yun, sobrang hindi mo na aapreciate yung ginagawa ng Diyos para sa iyo.

Maraming ginagawa ng Diyos para sa atin na hindi man lang natin napapansin na yun na pala yun. Palibhasa, marami kasi sa atin ang inaasa na lang lahat sa Diyos pero wala namang ginagawa. Hindi ka pwedeng magdasal na sana pumasa ka sa exam kung ipapasa mo yung test paper mo na blanko lahat. Sobrang himala naman nun...at ano ang gagawin mo? Aasa ka na lang sa KUNG?

Minsan nga eh binibigyan na tayo ng Diyos ng konting biyaya. At kung minsan eh yung mahirap na pagsubok na naibigay nya eh pinapagaan nya. Pero lagi na lang yung masamang side o yung pangit na side yung nakikita natin. Minsan tuloy nakakalimutan na nating pasalamatan ang Diyos dahil minsan eh hindi na tayo na kuntento sa paunti-unting binibigay nya sa atin. Pagsubok lang ang mga yan. Nasa sa atin na yan para isipin ang mga magagandang punto kesa sa mga masasamang punto.

KUNG tayo ba naman ay kikilos, KUNG tayo ay marunong tumingin sa tamang landas, sa tamang punto, edi sana mas madali ang buhay kesa sa inakala natin. Yan eh KUNG...

KUNG...PAANO KUNG...