Marami ang nagtatanong (at ayaw nang malaman pa) kung bakit naging GENOSAID ang nickname ko. Nag-umpisa ang lahat ng ito nung bata pa lamang ako. (Flashback)
Ang pangalan ko ay Reuben James Valdez San Diego. RJ ang nickname ko. San Diego dahil apelyido ng tatay ko yun, at Valdez kasi apelyido ng nanay ko yun nung dalaga pa sya, sana lang alam nyo na yung dahilan kung bakit ganun di ba? Ang Reuben at James ay hango sa Bible. Ito ang pangalan ng panganay na anak ni Jacob na si Reuben o Rueben (isa sa dalawa ang tamang pangalan). Sya din ang kuya ni Joseph the Dreamer. Bagay sa akin dahil ako ang panganay. Si James naman ay isa sa mga Apostles ni Jesus. Ngunit kung pagsasamahin mo yung dalawang pangalan, ang Reuben James ay isa sa mga kanta ng country singer na si Kenny Rogers. Binanggit ni Kenny sa kanta na si Reuben James ay isang "Hungry White Child", na bagay na naman sa akin dahil maputi ako...at laging gutom. Syempre yung RJ eh initials nung first name ko. Ngunit bago tayo magtuloy sa kwento ko, ikukwento ko muna yung tungkol sa favorite number at computer game character.
Bata pa lamang ako eh naging favorite number ko na yung number 7. Seven. Syete. Pito. Ano bang meron dito? Swerte daw sabi ng matatanda. Dahil ba may seven days sa isang week? O baka naman dahil may seven sacraments, seven deadly sins, seven last words, at 7th heaven. At nagpahinga nga pala ang Diyos on the 7th day, di ba? Banal siguro ang seven, kaya ko ito nagustuhan. At kung nag Grade 7 ako, eh sa taong 1997 ako magtatapos ng elementary. Ayos ba? Oo nga pala, 7 years old yata ako nung magustuhan ko itong number na ito...
Napagtripan ko ring magustuhan yung mga bagay na ayaw ng nakararami. Gaya na lang ng number 13. Thirteen. Trese. Labing-tatlo. Bakit ba ayaw nila dito? At pilit itong iniiwasan maging ng kasaysayan. Gaya nito: 12 lang ang Apostles ni Jesus, 12 lang ang months, at hanggang 12 lang ang numero sa analog na relo. At wala talagang 13th floor sa halos lahat ng building, at wala ring cinema 13. At kung bakit naman sa isang di maintindihang pagkakataon eh sa 12th day ng september ako ipinanganak, gayong caesarian naman ako...bitin lagi...ano bang masama sa 13? Kaya ayon, dahil diring diri ang tao sa 13 ay kinuha ko sya bilang isang mabait ng favorite number.
Nung 7 years old ako, bukod sa number na seven, ay nadiskubre ko ang isa sa mga pinakamagandang laro na nalalaman ko. Favorite game ko ito, at ang pangalan ay Megaman. Sino ba si Megaman? Isa syang kulay asul na robot na may baril sa kamay. At hindi lang yan, dahil kapag napatay ni Megaman ang isang kalaban na may kapangayarihang elemental katulad nila Fireman, Iceman, Bombman, Elecman, at Kikoman, ay pwedeng makuha ni Megaman ang powers nila. Samakatuwid, magkakaroon na si Megaman ng kapangyarihang gumawa ng sunog, magpalamig, magpasabog, manguryente, at magpasarap ng pritong isda. Hanep! Ang galing, di ba? At hindi lang yan! Meron pa syang assistant na aso na robot din, na may kakayahang maging recoil, jet, at submarine. Kung hindi ka ba naman talaga mabilib...malupit ito!
Balik tayo sa mga pangalan...Reuben ang tawag sa akin nung grade school. Uso talaga yan sa mga ganyang stage ng pagkabata. Palibhasa kasi ganyan ang tawag sa iyo ng adviser mong ubod ng sungit, full name pa minsan ang ginagamit. Kaya Reuben ang tawag sa akin until mag 2nd year ako. Pero may progress, dahil nung second year ako, ulo na ang tawag sa akin. ANG GANDA di ba? ULO! Astig! Anak ng teteng! Malaki kasi ang ulo ko (as in yung sa taas ha? ...but then again...), in a point na yung toga cap ko eh laging 1 or 2 sizes bigger than my classmates. Basta ang laki nya! Kapansin pansin. Napagdiskitahan tuloy. OK lang, dahil pinaganda nung isa kong kaklase yung tawag sa akin. Tinawag nya akong GENO...OO, tama yung iniisip mo! Sya nga yung isa dun sa dalawang mascot ng Sustagen. Ang laki kasi ng ulo ng mascot pero ang liit ng katawan. Pero diba mas maganda sa ULO, pwede na ang GENO.
Nagbago ulit nung 3rd year, dahil aside from the people na hindi talaga mapakaling tawagin akong ulo, ay tinawag na rin nila ako (at last) by my real nickname. OO! For the first time tinawag akong RJ sa school. And of course, only by my closest friends. Umabot ang tawag ng RJ sa akin until 4th year, pero sa 3rd year muna tayo mag stay. Around December nung 3rd year, syempre malapit na ang pasko. Exchange gift daw. May pakulo yung adviser namin. Instead daw na real names namin, gumawa daw kami ng pangalan na kung saan there's now way na malalaman ng bubunot sa pangalan ko na ako yung binunot nya, until of course sa mismong araw ng xmas party, kung kelan binubuksan yung mga in-exchange gifts. So kunwari, may kaklase akong ang pangalan eh...um...Joseph Estrada. Gagawa sya ng codename na kung saan hindi namin maiisip na sya yun, tulad ng...umm...Jose Velarde. So dapat wala kaming kamuwang muwang na si Joseph Estrada pala yun.
At dahil malikot ang isip ko at na excite ako sa thirll ng pag iisip ng pangalan, nag isip akong mabuti. Baliktarin ko kaya yung apelyido ko? Korni! Obvious din. Naisip ko yung mga penname ng grupo nila Jose Rizal. Tinutukoy ko dito si Marcelo H. del Pilar. Ang penname di del Pilar ay Plaridel, na hango sa pinag rambol-rambol na letra ng kanyang apelyido. Kaya ganun din ang ginawa ko. At makalipas ang ilang minutong pag rarambol, nabuo ko ang GIEDONAS. Ok na yan, smooth pakinggan. Kaya yan na rin ang ginamit kong username sa paggawa ko ng mga account sa email.
Pero napansin ito ng tatay ko. Sabi nya, bakit ganyan yung pangalan na ginamit mo? Bakit hindi OGEIDNAS? Samantalang yan ang kabaliktaran ng SANDIEGO? Gaya nga ng sabi ko, unang-una, ayoko nung baliktad dahil obvious. Pangalawa, hindi smooth bigkasin yung OGEIDNAS. Parang matigas sa dulo. Yun ang sinabi ko sa tatay ko. Sabi ko pa, wala na akong maisip na mas smooth pa sa GIEDONAS. Pero napaisip ako pagkatapos nun. Yun na nga ba yung pinaka smooth na pangalang mabubuo ko sa SANDIEGO? Nag isip na naman ako at nag rambol ng mga letra ng apelyido ko. Kung tao siguro yung apelyido ko eh matagal na akong binatukan dahil lagi ko na lang syang rinarambol. Sa kakarambol ko, nabuo ko ang GENASOID. Ayos! Parang mecha-monster ang dating...ZOIDS kasi eh. OK ito...pero parang may familiar...isang exchange letter lang ang ginawa ko at nabuo ko na rin sa wakas ang pinakamamahal kong nickname: GENOSAID (pronounced as GENOCIDE). Asteeeeeeeeg! Parang death! Parang destruction! Asteeeeeeeg talaga! Ang ibig sabihin pala ng GENOCIDE mass killing or mass destruction. Ang lupheeeeeeet! Mass Destruction. Bagay na naman sa akin ang pangalan na ito dahil massive ako...at destructive ang utot ko. At dahil inclined sa death ay babagay ang pangalan na ito sa favorite kong kulay na BLACK.
BLACK??? Bakit black?? Ano bang meron? Well, madali kasing magsuot ng all-black, hindi ganun ka pansinin, unlike kapag nagsuot ka ng...umm...all-fuschia. Kapag nag blot ang black ballpen mo, hindi masyado halat sa black na damit, pati ketchup hindi masyado halata, o kahit toyo, o kahit patis, suka, at spagetti stain. Hindi obvious. At bukod pa sa madungis na mga dahilan na yan, elegant dalhin ang black, at the same time astigin! At dahil lagi akong naka all-black, ay babagay talaga sa akin ang pangalang GENOSAID.
Kung papansinin mo, ang GIEDONAS, GENASOID, at GENOSAID, ay nag uumpisa sa letrang G. Eh ano naman? Napanood ko sa anime na Shadow Skill ang isang episode kung saan tinawag nila yung isang character dun na "G". Ang "G" daw sa Phoenician alphabet means, "The strongest" o kaya "The most powerful", na kung iisipin mo ay marami ngang makapangyarihang bagay sa mundo ang nag uumpisa sa letrang G. Goons, Gold, Guns, Goto, Goiter, Gera, Gahaman, Ganid, at kung ano ano pang makapangyarihang "G". Nariyan din ang Glory, Good, Great, at iba pang mabubuting "G". Ang GAEA, isang tawag sa Earth, at GEO, which pertains to the Earth's crust, ay nag uumpisa din sa "G". At syempre ang pinakamakapangyarihan sa lahat, si GOD, ay nag-uumpisa din sa letrang G.
What's the point? Eto...Kung iisipin mo ulit, G is the 7th letter of the English Alphabet. 7th? Seven na naman?? Coincidence ba? Eto pa. May isa pa akong favorite number, di ba? At yun ay ang number 13. Ano ba ang 13th letter sa English alphabet? M...as in...Megaman! Ang galing, ano? Eto pang mas malufet: Isang laro sa Megaman series ang may title na Megaman Legends, na sya ring gusto kong maging title ng pelikulang pangarap kong gawin na kung saan bida si Megaman. Kung papansinin, ang salitang "Megaman" at "Legends" ay parehong 7 characters long! Wow! At kung titingnan pa, ang 3rd letter ng Megaman at ng Legends ay parehong "G"!! Mas wow!! At alam nyo bang 3rd letter din ng nickname ko sa mapua na PUGZ ang letter "G"?!!! Pinaka-wow!!!
Pero kung inakala nyong tapos na, hindi pa! Dahil kung naalala nyo yung tawag sa akin nung 2nd year high school na GENO, ay mapapansin nyong ang GENO ay parang short for GENOSAID!!! What the heck!!! Parang nagkataon ang lahat!!!
At yan ang istorya ng mga walang katuturang bagay sa buhay ni gEnOsAiD...wag kayong mag-alala. Hindi pa kayo baliw. Coincidence lang din kung bakit nyo pa nabasa ito.
No comments:
Post a Comment