Insomia: Bakit may mga taong mahirap na patulugin, mahirap pang gisingin

Insomiac...

...hirap na naman ako matulog lately. Alas dos na ng madaling araw eh mulat na mulat pa ang mata ko, at masigla pa ang katawan ko. Minsan salitan sila. Pagod ang katawan, pero gising pa ang mata. Sumasara na ang mata pero alive and kicking pa ang katawan. Laging ganito ang scenario kapag nasa kama na ako...or kahit wala pa. This is not healthy for me, as well as for my job. Madalas kaya akong late, at kung ano ano pa. Alam ko may iba pa dyang katulad ko na insomiac din. Mahirap patulugin, mahirap gisingin. Kaya para sa mga insomiac na katulad ko, heto na ang tips ko kung ano ang dapat gawin para lang tuluyang makatulog. Ang lahat ng tips na ito ay ginagawa ko...

1. Umupo sa harap ng computer. Makipag chat. Manood ng mga boring na movies. Maglaro ng computer games gaya ng Minesweeper at ng Freecell. Pwede rin ang Counter Strike. Manood ng Anime Episodes gaya ng Naruto at Bleach. Magbasa ng mga jokes sa mga jokes site. Magbasa ng kung ano-ano. Sumali sa mga forum...at kung ano ano pa!Basta naiintindihan nyo naman siguro ako. Ang computer ay isang mabisang paraan ng pagpapantok. Ngunit kung gagamitin sa di wastong paraan, ang computer ay isa rin sa mga mabisang pampagising. Gaya ng panonood ng action movies at ng "action" movies...

2. Hangga't maaari ay gamitin ang mata. I mean pagurin ang mata. That way, siguradong titiklop ang mga mata mo. Gaya ng paglalaro ng PS2, panood ng TV, at pagbabasa ng FHM...este...educational books na sobrang boring na mga two inches thick. Subukang tapusin hanggang sa kahuli hulihang page. Siguradong sa isang gabi ay hindi ka tatagal ng mahigit 20 pages. Aantukin ka dahil napapagod ang iyong mga mata.

3. Gumawa ng mga bagay bagay na siguradong ikakapagod ng iyong katawan. Magbuhat ng weights. Walisin ang buong Megamall ng mag-isa. All floors. Mag sit-ups. Mag push-ups. Gawin lahat ng posibleng gawin basta pagurin ang katawan. At may alam akong isa pang bagay na siguradong mapapagod ang katawan mo...pero hindi ko sasabihin! (Wag madumi ang isip. Basta feel ko lang na wag sabihin...)

4. Bigyan ang sarili ng isang malaking responsibilidad. Mag overnight sa isang bahay para sa isang school project na matagal pa ang deadline. Siguraduhing matagal pa ang deadline, dahil kung bukas na ang pasahan eh hindi kayo makakatulog. Pero kung may tatlong araw pa kayo bago ang pasahan eh may time pa kayo matulog nyan.

5. Gumawa ng isang malaking kasalanan na siguradong pagagalitan ka without a doubt. Pakawalan ang mga alagang manok ng lolo mo. Basagin ang itlog ng mga inahin. Isiga ang mga natuyong dahon ng niyog. Banggain ang kotse ng pinsan mo. Magkaroon ng mababang grades. Sa ganitong paraan, masisiguro natin na pipilitin mong matulog sa lalong madaling panahon. Gawin lamang ito tuwing weekdays. Pwede rin tuwing weekends.

6. Gawin ang mga pinakaboring na bagay na maiisip mo. Manood ng mga palabas sa PTV 4. Makinig ng AM radio. Magbasa ng dyaryo. Manood ng Dora the Explorer. Mag shopping sa mga lugar na ayaw mong pag shopping-an. Makinig sa mga lecture ng inyong neighborhood friendly physics teacher, gaya ni Sir Pascual. Pag kayo ba naman eh hindi nakatulog sa lectures nya ay ewan ko na lang...

7. Relax yourself. Mag muni muni. Pangarapin ang mga imposible. Mag sounds. Makinig sa dream sounds. Piliting balikan ang iyong mga "what if" moments. Tingnan ang mga dating pictures. Basahin ang mga dating love letters (kung meron man...ako wala eh...promise!). Mag reminisce. Pero bago ang lahat ng yan eh maligo muna. At siguraduhing uminom ng gatas. Wag lysol, gatas. Kung gusto mong makatulog panghabang buhay, uminom ng lysol. Muriatic siguro para mas mabilis. O kaya eh matulog sa loob ng nakabukas na makina ng kotse sa loob ng covered parking area.

...at yan po ang mga ginagawa ko para lang makatulog. Hindi madaling magkaroon ng insomia...kasi pakiramdam mo, nocturnal ka. Alam nyo ba ang ibig sabihin ng nocturnal? Ang isang nilalang ay tinatawag na nocturnal kapag ang....zzzz.....zzzzz...hohummm.....